Мэдээлэл, дүн шинжилгээ, шуурхай удирдлагын албанаас цагдаагийн ахмад Н.Энхнаранд хүндэтгэл үзүүлэх үйл ажиллагаа өнөөдөр /2024.11.14/ ёслол төгөлдөр боллоо.

Узбекистан улсын Ташкент хотод энэ оны оны 11-р сарын 02-08-ны өдрүүдэд зохион байгуулагдсан Олон улсын таеквондогийн “Дэлхийн цом”-ын аварга шалгаруулах тэмцээнд Мэдээлэл, дүн шинжилгээ, шуурхай удирдлагын албаны ахлах мэргэжилтэн, цагдаагийн ахмад Н.Энхнаран тулааны -62 кг болон багийн төрөлд өрсөлдөж, хос алтан медаль хүртэж, Монгол Улсын шигшээ баг тамирчид 32 орноос III байрт шалгарчээ.

Мөн энэхүү тэмцээнд Завхан аймгийн цагдаагийн газрын Захиргааны удирдлагын тасгийн төлөвлөлт хариуцсан мэргэжилтэн, цагдаагийн ахмад С.Будхүү тулааны -57, багийн тулаан болон түльны төрлөөр оролцон 3 алтан медаль хүртсэн амжилт гаргасан байна.

“Дэлхийн цом”-ын аварга шалгаруулах тэмцээнд амжилттай оролцсон цагдаагийн байгууллагын алба хаагч цагдаагийн ахмад Н.Энхнаран, С.Будхүү нартаа халуун баяр хүргэж, спортын өндөр амжилт, эрүүл энх, цаашдын ажилд нь сайн сайхан бүхнийг хүсэн ерөөе.

                                                                                                                    ---ооОоо--

-