Олон Улсын хүүхдийн эрхийг хамгаалах өдрийг тохиолдуулан цагдаа, дотоодын цэргийн байгууллагын үйл ажиллагааг хүүхэд, багачуудад таниулах, сурталчлах ажлын хүрээнд “ХҮҮХЭД ТАНЫГ ХАМГААЛЪЯ” арга хэмжээг өнөөдөр /2022.06.01/ амжилттай зохион байгууллаа.

Тус арга хэмжээний хүрээнд эх орны ирээдүй болсон хүүхэд багачуудын дунд гар зураг, буухиа, унадаг дугуйн уран жолоодлого, дартс, олс таталт зэрэг 7 төрлийн тэмцээнийг зохион байгуулж тэмцээнд оролцсон бүх хүүхдүүдэд гарын бэлэг гардуулахаас гадна тэмцээний 1,2,3 дугаар байрт шалгарсан хүүхдүүдийг гар утас, хичээлийн хэрэгсэл зэргээр шагнаж урамшуулсан юм.